Pisso-chin
Taraxacum officinale
Asteraceae Compositae
Àutri noum : Pisso-can, Pisso-au-lié, Mourre-pourcin, Cicourèio-de-prat, Engraisso-porc.
Noms en français : Pissenlit officinal, Dent de lion.
Descripcioun :Vaqui lou mai coumun di pisso-chin. L'avès segur recouneigu emé si fueio retaiado en rouseto sènso alo, soun cepoun espés, si flour soulitàri (coumpausado) en aut de si pecou boutis. Lis akène soun gris clar e li bratèio (un pau banarudo o noum) revessado sus la cambo. Sian revengu, après proun de chanjamen au noum latin d'óurigino dins aquéu group RUDERALIA.
Usanço :Ei bessai ço que se fai de miés dins l'ensalado champanello. Lou poudès culi tre li pluèio d'autouno e fin qu'en mai en mountagno. Lou pisso-chin èi vertuous contro li mau de fege, lou quiéu tapa e mai encaro. Oublidès pamens pas qu'èi diureti, lou pisso-chin.
Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo
Gènre : Taraxacum
Famiho : Asteraceae
Famiho classico : Compositae
Tribu : Cichorieae
Ordre : Asterales
Coulour de la flour :
Jauno
Petalo : >5
Ø (o loungour) enflourejado : 2 à 3,5 cm
Flourido : Printèms
Autouno
Sòu : Ca
Autour basso e auto :
Pancaro entresigna
Aparado : Noun
Remarco : Ensalado champanello
Mars à óutobre
Liò : Champ
- Prado umido
- Bos clar
Estànci : Mesoumediterran à Subaupen
Couroulougi : Éurasiatico-Cèntre-Ouèst
Ref. sc. : Taraxacum officinale F.H.Wigg., 1780
(= Taraxacum dens-leonis subsp. officinale (Lyons) Douin, 1923 )
Ranouncle(-derraba)
Ranunculus trichophyllus subsp. eradicatus
Ranunculaceae
Nom en français : Renoncule déracinée.
Descripcioun :Aquéu ranouncle d'aigo trachis dins li lau d'auto mountagno. Fai qu'uno souleto meno de fueio, de multifido souto l'aigo, que fan pas mai de 4 cm. Li pecou soun long de 4 à 6 cm. Se destrìo de la subsp. trichophyllus que s'atrovo pu bas, que fai de racino à tóuti li nous de la planto (vèire li fotò), acò pòu pas engana.
Usanço :Coume tóuti li ranouncle, es uno planto empouisounanto.
Port : Erbo
Taio : 10 à 40 cm
Fueio : alterno
Tipe bioulougico : Idroufite
Cicle bioulougico : Planto renadivo
Gènre : Ranunculus
Famiho : Ranunculaceae
Ordre : Ranunculales
Coulour de la flour :
Petalo : 5
Ø (o loungour) enflourejado : 5 à 8 mm
Flourido : Printèms
- Estiéu
Sòu : Si
Autour basso e auto : 700 à 2800 m
Aparado : Noun
Mai à avoust
Liò : Lau
- Tourbiero
- Mueio
Estànci : Subaupen à Aupen
Couroulougi : Artico-Aupenco
Ref. sc. : Ranunculus trichophyllus subsp. eradicatus (Laest.) C.D.K.Cook, 1967